फावला विचार

 देव्हाऱ्यातील इवलासा दिवा,
प्रकाश पसरवत जळतो
तो करतो त्याच काम
पण त्याचा हेतू का कोणाला कळतो ?

सुगंध पसरवत सर्वत्र

स्वतःला चंदन उगाळावून घेतो

होतो त्याचा जन्म सार्थक
त्याच्या आहुतीला का कोणी मान देतो ?

ऋतू ऋतूत फुले उमलावूनी

वेळी अलगद फुलवितात बहार

फुले तोडून मैफिल सजविताना

कोणी करतो त्यांच्या नात्याचा विचार ?

न चुकता उगवूनी रोज

देतो सूर्य सोनेरी प्रकाश

दिसतो दाह त्यातला सर्वांना

त्याचा त्याग पाहण्यास आहे कोणाला अवकाश ?

हि आहे आपुलकी

हा आहे जिव्हाळा

हा आहे सारा भावनांचा खेळ

धर्मावरून गळे धरताना एकमेकांचे

निसर्ग कडून प्रेम शिकण्यास

आहे का कोणाकडे वेळ ?